السلام عليكم

اخواني وخواتي بغيت اراجع معاكم الدرس قبل السفر 😂 معليش التوتر عندي مليون

المستندات المطلوبه واللي جاهزه معاي هي كالتالي :

1- طباعة الجواز الصحي ( التطعيمات )
2- التأمين الطبي للأطفال الغير مطعمين
3- الاقرار الصحي cdc مطبوع ورق
4- تم تعبئة نفس الاقرار على موقع طيران الامارات
5- الجوازات القديمه اللي فيها التأشيره
6- لا يوجد فحص pcr للجميع حسب التعميم الأخير

وسلامتكم ياليت تنبهوني لو فيه شي ناقص والف الف شكر لكم 🙏🏻🙏🏻🙏🏻💐

صباح الخير بتوقيت نيويورك 😝

الحمدلله حبيت اطمنكم بوصولنا واقولكم عن الوضع ،

اقلاعنا من مطار الدمام الى نيويورك ترانزيت دبي على الاماراتيه

اول شي المطار زززززززحمه والكاونترات زحمه والشنط ورى الموظفين متكدسه ماعرف ليه

وكان فيه تأخير في اقلاع الدمام ونيويورك

المهم كإجرات سفر من الدمام ماطلبو مني ولا شي ونموذج cdc بالسستم ماطلبوه ورق

وبالنسبه للجوازات بعد ماطلبو اي شي ورقي كل شي بالسستم حتى تأمين الاطفال

بالنسبه لدبي طلبو مني التطعيمات ورق قبل بوابة الدخول للطائره

والحمدلله وصلنا بالسلامه بس مع الاسف الشنط ماوصلت لنا يومين فيه متابعات عن طريق الرقم المرجعي ويارب تتسهل وتوصل بسرعه ،،

وسلامتكم اجازة يعيده 💐