السلام عليكم ،،
لو سمحتوا عندي استفسار لاصحاب الخبره .
انا مسافره بعد شهر للنمسا .. واحنا عايله من خمسه اشخاص ،،
يا ليت تقولون لي اش ناخذ معانا وممكن نحتاجه هناك من اكل وطبخ وذا الاشياء

وعليكم السلام
قدر الضغط الكهربائي + البهارات+ أجبان+ عيش+ سناكات للاطفال مثل البسكوت هذا الي اذكره

و الله يا أن بعض الأشياء تؤخذ علشان تضيق عليك من كثر ما تنقلها !!
هي وجهات نظر .. و أوروبا مليانة سوبرماركت كبار و متوفر فيها
كل شئ تقريباً حتى بعض المدن متوفر فيها بقالات عربية

أما ازيد شناط علشان قدر ضغط و فناجيل و معاميل و دلال
و بالأخير الرحلة 10 أيام و الله ما تسوى التعب

المقصد يا أبو نواف أنه بدل حمل أغراض أضافية تتعبك في التنقل
كل شئ متوفر و الحمد لله مثل الخبز التوست و الجبنة الشرائح متوفرة في كل البقالات
أذكر أثناء زيارتي إلى زيلامسي تقضيت من سوبرماركت لقيت فيه
كل شئ أحتاجه و لاحظ حتى الأكل الحلال متوفر و مميزينه في الثلاجات و الرز و المكرونة و كل اللى يخطر على بالك

حتى أذكر نسيت أشتري غرض من السوبرماركت و يوم ذكرته كان في طريقي بقالة عربية مريتها و لقيته بسعر يمكن 3 أضعاف سعر السوبرماركت

و اذا تبي الصراحة .. كل سائح يفصل رحلته على ما يرى و يناسبه
شخصياً ضد حمل أغراض طبخ و قدور في السفر و ان طبخنا تلاقيه شئ خفيف و سريع ما يحتاج ترتيب مسبق كآني مقيم بالديرة سنة !!

اذا رحلتكم مدتها قصيره ماله داعي ثقل على عمركم
اول ما توصلون روحوا اي جمعية واخذوا اللي تحتاجونه
مثل ما قال بومعتز كل شي متوفر