هذا الموضوع عبارة عن تحذير من شركة توصيل أرامكس حيث ان الجواز عندهم له تسعة ايام تقريبا من قبل العيد
بعض الناس يحسب ان معالجة الفيزا عند السفارة هي اللي تاخذ الوقت لكن بالنسبة لي توصيل الجواز اخذ اكثر من معالجة الفيزا مع انه فقط من الرياض الى بريدة لو هم على بعير كان قد وصلوا
المهم يا اخوان والله ان رحلتي بكرة وان مامعي جواز الى الحين قلت ابنفس عن غضبي بهالمنتدى عن هالشركة الغبية. وأيضا أرسلت ايميل قبل شوي لشركة vfs قلت لهم توقفوا عن التعامل مع هالشركة وودي اشتكيهم بعد لوزارة التجارةة. المشكلة الشحن overnight يعني المفروض يشحن بالليل يوصل بكرة بس الله المستعان. عاد تو اكلم المندوب يقول بكرة الصباح انا بحيّكم. تخيلو باخذ الجواز الصباح و رحلتي العصر

الله يكون في عونك .. في مثل هذه المشاكل تواصل مع هيئة الأتصالات
يمكنك تقديم شكوى ضد شركة شحن و توصيل إلى هيئة الاتصالات وتقنية المعلومات من خلال: الرقم الموحد للهيئة: 19966

الله يعينك

كل سنة مشاكل ارامكس مع العيد تزيد
لديها نقص كبير في عدد الموظفين خاصة في المواسم
والطلبات كلها عليها

مرة اتصلوا علي وايميلات يقولون لك طلب عندنا لابد تستلمه
لقيت طرد كبير وعليه اسمي وعنواني الصحيح
طلبت فتح الكرتون ولقينا فيه طلبيات مختلفة بالداخل بأسماء غير
من وقتها حذفت حسابي من عندهم

بشر استلمته

ايه ابشرك الحمدلله استلمته وهذاي بميونخ
وبالنسبة لك يا ابو معتز مع اني بردت شوي بعد السفر لكن لن أنسى ابدا التوتر الي سببوه لي وسأرفع بهم شكوى ان شاء الله
وبالنسبة لك يا اخر فرصة صح ذكرتني قبل خمس سنوات استلمت منهم جواز لفيزة بريطانيا بعد ما وقفت بالطابور نص ساعة. المهم يوم رحت للبيت وفتحت الجواز طلع مهب جوازي وارجع لمهم وانط الطابور واصارخ على الموظف قلت هذي مستندات رسمية ما يصير كذا. صراحة الشركة هذي مادري كيف عايشة للحين