السلام عليكم





ان شاءالله باذن الله بتكون رحلتي ( كويت-باريس-لندن-كويت )


نص شهر 12



مفكر تقريبا 5 ايام فرنسا تكون في دزني لاند وممكن اطلع اخر ليله باريس



وفكرتي احجز كوخ لو يطل على بحيره او شي حلو مثل منتجع عشان الامان



مبدئيا حاط في باللي اسكن كوخ
بس الردود شوي لك عليها على النظافه بس حييل بخاطري كوخ Villages Nature Paris

اذا تفيدوني بمنتجعات مثل طريقته علما باني عايله اطفال معاي





و ابي اعرف شلون اتنقل لان ماودي بسياره احس مالها داعي اذا دزني واخاف اتوهق ماحصل شي

افكر 4 ليالي فيه منها اروح الاوت لت بعد و اخر يوم قبل لندن اقضيه في باريس الشانز

ياليت تساعدوني



بطريقتي انا فكرت اروح من المطار دايركت الى دزني لاند و اخلي اخر يومين باريس بفندق)رشحولي ) و اطلع منها للمطار الى لندن



بس افكر بسالفه التنقل شلون بيكون لان مو عارف خصوصا مع الجناط لو بخفف ماراح تكون اقل من 6 شنط وعيالي صغار مايقدرون يساعدوني هل في احد بيساعدني فيهم وقت الانتقال من دزني الى فرنسا ؟؟ و هل راح انزل وسط باريس الشانز

هلا اخوي وسفرة ممتعة باذن الله

الانتقال من المطار الى دزني تاكسي تلاقي عند الباب تطلب تاكسي كبير يوصلك للفندق اللي بدزني

التنقل بدزني في باصات تردديه لدزني وتمر بكل الفنادق كل عشر دقايق وتوصلك للمنتزه
وترجعك بنفس الشي

الانتقال للاوت لت اطلب تاكسي من الفندق ويوديك ويرجعك بنفس التذكرة متى ماحبيت


اما الاكواخ ما اعرف
بس جميع الفنادق هناك تطل على بحيرة بوسط الطبيعة تقدر تتمشى فيها مفتوح على بعض

تلاقي كل هالكلام بتقريري ان شاءالله الاقي رابطه واحطه لك

هذا التقرير يوضح الكلام اللي قلته فوق



https://www.arabtrvl.com/vb/t782.html

استخدم الميترو RER A الخط الأحمر ٥ يورو التكت للشخص وينزلك عند بوابة دزني ، ان الاولاد اكبر من ١٠ سنوات ممتاز الميترو اما اقل افضل انك تاخذ تاكسي او اوبر لراحتك وراحة العيال. أما عن تجربة شخصيه ف استخدمت الميترو وكان واضح وسهل لانه ما في تغيير من محطه ل محطه وحتى لو كان في تغيير برضوا سهالات.