السلام عليكم ورحمة الله وبركاته
لاول مره اتشجع واشارك بمنتدى بس بامانه هذا المنتدى يفرق كثير ودايما يكون اول خياراتي بالاطلاع على معلومات وتجاربكم المثرية عن اي دوله حابه ازورها .. ودايما احصل كل اللي اريده واستفيد منه جزاكم الله عنا كل خير .

سفرتي هالمره تختلف شويه واتمنى يساعدوني خبراء اوربا لانها تعتبر اول تجربة حابين نخوضها بهذا النوع من التفاصيل .. عادة نروح بلد اوربي واحد ونكتفي وما عمرنا قررنا نستاجر سياره او نستخدم القطار للحركة بين الدول . ما راح اطول عليكم بعطيكم تفاصيل رحلتي واذا ممكن تساعدوني ببعض التفاصيل .

خلاص حاجزين سفرتنا تبدا من فيينا في النمسا باذن الله ولمدة شهر وتنتهي في ايطاليا

طيب خلصنا الحجز الحمدلله بس كيف نتحرك ما عارفين 😂
السفرة انا وزوجي بروحنا .. نوصل فيينا وبنظل اسبوع في النمسا بين فيينا وسالزبورج وزيلامسي وبعدها بنعطيكم البلدان اللي مفكرين فيها بس من وين لوين مب عارفين ( ودنا نروح براغ التشيك و المانيا و ننتهي في ايطاليا ) هل كذا حلو ؟ بس كيف نرتبها ؟ ناخذ سياره بين كل دوله وداخل البلد نستخدم المواصلات العامه او العكس نروح قطار بين كل دولة وداخلها نستاجر سيارة وايضا شي قالقنا كيف نتحرك بالشنط ولا نقدر نشحنها بعد اسبوع مثلا نخفف 😬 تكرما وليس امرا الي اجرب يتحرك من النمسا الى دول ثانيه يساعدنا ولكم كل الشكر مقدما .

اختكم . حياة مسقط

يا هلا ومرحبا فيك بيننا
أخت حياة

الأفضل تحطون مدن رئيسية كوقفات
لو المدة 30 يوم تخلون 6 أيام لكل مدينة
وهنا مثال لمخطط



من فيينا ممكن زيارة براغ و بودابست
من زيلامسي ممكن زيارة كابرون سالزبورغ هالشتات
من انترلاكن ممكن زيارة لوزيرن زيورخ
من ميونخ ممكن زيارة قارمش
من ميلان ممكن زيارة بحيرة كومو و لوقانو

الأفضل لكم التنقل بالقطارات بين المدن
وكل ما وصلتوا محطة قطار تكونون حاجزين سيارة
وبكذا توفروا فلوس بنزين + وقت

الصرف يكون بالبطاقات البلاستيكية
يعني ما تشيلوا كاش الا 200 يورو للطوارئ
والافضل يكون معاكم فيزا او ماستركارد عادية + بطاقة سفر

سفرة ممتعه باذن الله
وماقصر ابو غسان
بالنسبة للجناط اخذي جنطه وحده لكل واحد فيكم وبعدين هناك اخر السفره اخذوا ثانيه للمشتريات مدام انكم بتتجولون

شكرا جزيلا توبيلرون
هم فكره حلوه بس اهم شي هل التنفل بالقطار بشنطة كبيره عادي !! لان غالبا اشوفهم فقط ماخذين ع ظهرهم الباك باج محد ياخذ جناط غيرنا 🙈😬

ماشاءالله اتمنى لكم رحلة سعيده والردود ماقصرت
بالنسبة للقطارات عادي اي عدد شنط موب مشكله بس حاولي البداية شنطه وحده لكل واحد ممكن وممكن تحطين داخلها شنطة صغيره الكاري اون وبعدين تطلعينها اخر السفرة .
رحلة سعيده وامنه باذن الله