السلام عليكم جميعاً …
ان شاء الله مخطط للسفر بابريل القادم … ومرتب كل اموري
لكن ماني عارف اختار منطقه اسكن فيها لجهلي بطوكيو
يعني وش تنصحون افضل منطقه اسكن فيها ويكون فيها كل شي قريب
يعني بالسنتر …. كمان هل التنقل بسيط ماعمري ركبت مترو 😅😅

وش تنصحون اخذ اي نوع مواصلات عشان احجز مسبقا.

وشكرا للجميع

وعليكم السلام ورحمة الله

سأنقل لك تجربتي

يفضل تقسيم طوكيو لثلاث مناطق او اربع حسب المدة كل منطقة تأخذ لها فندق

مثلا انا سكنت اوديبا وكنت مخصصها لاوديبا وديزني

وسكنت جنزا وخصصتها لجنزا واكيهابرا وبرج طوكيو

وسكنت شنجكو وخصصتها لشنجكو وشيبويا

بالنسبة للتنقل سهل يحتاج ممارسة

حلوه طريقتك بس متعبه شوي … واذا ممكن كيف كانت تجربتك بالمواصلات المترو
وخلافه وايش البطاقه الي تنصح فيها

طوكيو فيها اماكن كثيرة للسكن و تعتمد على ما يناسبك

مثلا انصحك بالابتعاد عن شينجكو لانها غير مناسبة لي خاصة المترو ( سبق لي ان سكنت فيها ) , اذا صادفت وقت الذروة بالمترو الله يعينك زحمه غير طبيعية مثل المقاطع المنتشرة باليوتيوب

شيبويا مناسبة لي فيها التقاطع الشهير ( سبق لي السكن بها )

عندك اساكوسا وجينزا

فيه شخص يسوي رحلات لليابان وذكر انه حجوزات الفنادق لزباينه يكون حول محطة Kinshichō Station

قريبة من برج طوكيو سكاي تري , قريبة من الاسواق ومناسبة لاغلب الناس حسب ما ذكره والله اعلم

اهم شي سكنك يكون قريب من مترو واسواق لما فيها من المطاعم والسوبرماركت

وانت الحكم والله يوفقك ويسهل امرك