السلام عليكم ورحمة الله وبركاته،،،

اخواني واخواتي لي كم سنه ارتب جداول عشان اسافر امريكا بس ماتتسهل لكن ان شاءالله الله يسهلها وتزين وناوي ان شاء الله الصيف القادم 07/2024 اضع بين يدينكم جدولي اتمنى اراكم وتوصياتكم علما بأن المسافرين بالغين وطفلين 11 سنه و 7 سنوات

وايضا عندي سؤال انا فيزتي تنتهي في 05/2024 وانا مخطط ان شاءالله 07/24 متى تنصحوني اجددها


النسبه للجدولين اللي مرددني فيها ايجار السيارة لان انا بااستاجر من ميامي واسلمها في مطار واشنطن
لمن حطيت ايجار السيارة في هذا الصيف بعد اسبوع من الان 08/23 لمدة اسبوعين ب 700 دولار وحطيت نفس عدد الايام لشهر 07/2024 الصيف القادم صار السعر 1300 دولار

وفي شخص قلي معلومة السيارة كل ماقربت الفترة قل السعر وكل مازادت الفترة زاد سعر الايجار

وصول NEWYORK
مغادرة من WASHINGTON
1/ وصول نيويورك
2/ نيويورك
3/ نيويورك
4/نيويورك
5/مغادرة نيويورك والذهاب لميامي (طيران) والتوجة للكروز
6/كروز
7/كروز
8/اخر يوم في الكروز والسكن في ميامي
9/ميامي
10/مغادرة ميامي والذهاب إلى اورلاندو
11/اورلاندو
12/ديزني
13/اورلاندو
14/يونيفيرسال
15/اورلاندو
16/اورلاندو
17/مغادرة أورلاندة والتوجة إلى واشنطن (سيارة)
18/الوصول لواشنطن
19/زيارة الاميش وهرشي
20/واشنطن
21/ مغادرة من واشنطن

---------------------------------------
وصول NEWYORK
مغادرة من WASHINGTON
1/وصول نيويورك
2/نيويورك
3/نيويورك
4/مغادرة نيويورك والذهاب لميامي رحلة مبكرة (طيران)
5/التجول في ميامي والتوجة للكروز
6/كروز
7/كروز
8/اخر يوم في الكروز استلام السيارة والتوجة إلى اورلاندو
9/اورلاندو
10/ديزني
11/اورلاندو
12/يونيفيرسال
13/اورلاندو
14/كلير ووتر او كوكو بيتش
15/زيارة تامبا أو العاب مائية
16/تسوق
17مغادرة أورلاندة والتوجة إلى واشنطن (سيارة)
18/الوصول لواشنطن
19/زيارة الاميش وهرشي
20/واشنطن
21/مغادرة من واشنطن

وعليكم السلام
الله يسهلها عليكم ان شاء الله
الفيزا الافضل بما انها تطول والاحتياط واجب من نوفمبر او ديسمبر ..
ايجار السيارة مع دخول اول السنه دور واحجز وايد مبچر من الحين ..
الجدول اميل على الاول مع اضافة 14 او 15 من الجدول الثاني مع العلم ديزني عندهم حديقه مائية
Disney's Typhoon Lagoon Water Park

السيارة اشوف بس تحتاجها في اورلاندو واشنطن ما يبيلها يعني لو تطلع من اورلاندو طيران الى واشنطن افضل .

وربي يسهلها عليكم 🙏🏽

بالنسبة للفيزا جدد اذا باقي عليها 6 شهور

بالنسبة للجدول Disney World فيها 4 باركات وأنصح تخصيص يوم لكل واحد لو حاب تزورهم كلهم

ويونفرسل اشوف يحتاج يومين

لو كنت مكانك وعلى نفس الجدول راح ألغي أيام دي سي واضيفها الى فلوريدا

ما قصروا الخبراء

تجدد الفيزا قبل انتهائها بشهر واحد
ممكن تبدأ الاجراءات قبلها بأسبوع مثلاً

مع اقتراحاتهم
ما تحتاج سيارة لأنها متعبة
وصول + مغادرة نيويورك لأن واشنطن ما فيها شيء
غير البيت الابيض ان حبيت تشوفه
هرشي والاميش عادية جداً

الأفضل تقضي هذي الأيام في نيويورك للتسوق
الملابس + الجزم الرياضية ارخص من هنا بكثير
لذا خلي مبلغ السيارة + واشنطن للتسوق

ممكن عند الوصول تطيروا مباشرة الى ميامي من نفس المطار
وتزود أيام نيويورك قيب العودة للتسوق
أيام واشنطن تقسمها بين نيويورك و اورلاندو

رحلة سعيدة

ياهلا بك .. بخصوص حدائق دزني فعلا توجد 4 حدائق و 2 مائيه .. لا انصح بزياتها منفصله بعضها صغير الحجم لايستحق يوم كامل فيها ممكن تاخذ لك فكره عن الحدائق اللي تتناسب معاكم بين 4 لان ممكن مثل Epcot لايعجبكم او Hollywood هذي فيها اللعاب القويه الخطره نوعا ما وكذلك حديقة الحيوانات - هذي 3 حدائق يفضل الاختيار مابينها او زيارتها بتذكرة هووبر -
اما يونيفرسال - يجب زياره الحديقتين بحيث نصف اليوم بالاول وباقي اليوم بالحديقه الثانيه .. يكفي تذكره عاديه طوال اليوم لركوب وزياره كل الحديقه

أنا من رأيي تقدم على الفيزا من الحين ( محد تجحفل من السفارة الامريكية )
اما تطلع الفيزا بأسبوع او تطلع بسنة .. فقدم من الحين أفضل لك