السلام عليكم اخواني ارغب في السفر شهر مايو وش رايكم ؟

اخوكم اول مرة يطلع برا البلدان العربية وعليمي جدا جدا بكل شي جمعت معلومات لكن بصراحة محتاج اهل الخبرة يفيدوني بكل التفاصيل تكفون والله اخوكم تعبااااااااااان نفسيا امر بظروف جدا عائلية صعبة وابي اطلع مع العايلة اغير نفسيتي وما لقيت افضل من هالبلد

تكفون الله يجزاكم خير ساعدوني
في ناس تقول اخذ باكج وناس تقول خذ تكت الطيران فقط ورتب امورك الباقية هناك واوفر لك وتاخذ حريتك مع عايلتك وبدون ارتباطات مع قروبات وكذا
الامور بالنسبة لي لانها اول مرة صعبة جدا من ناحية الصرف التكاليف التنقل بين المدن ترتيب السكن اول ما اوصل ممكن سهلة لكن اذا ابي احجز اماكن ثانية كيف الوضع ولا اروح وادفع مباشرة السواق في ناس تقول احجز بكج وفك عمرك كيف اصرف الدراهم كثير اسئلة تدور في بالي بصراحة

عليكم السلام

الامر اسهل مما تتصور ولا يحتاج كل هذا التضخيم اندونيسيا كتاب مفتوح الجميع يستطيع تصفحه والاستمتاع بفعالياته

لكي تساعد الاخوة و الاخوات في اقتراح برنامج لرحلتك نحتاج بعض التفاصيل البسيطه

عدد افراد العائله ؟؟؟ معك اطفال ؟؟؟ كم اعمارهم ؟؟؟

كم عدد ايام الرحلة ؟؟؟كم الميزانية المخصصة للرحلة؟؟؟

ماهي المناطق التي ترغب بزيارتها ؟؟؟؟

ما هي الجنسية ؟؟؟

جزاك الله خير يا الحبيب

طمنتني
انا وزوجتي وبنتي المراهقة
ودي تكون الرحلة 12 يوم بالذهاب والعودة طبعا ودي تكون السفرة بين الفصول لكن قصيرة ويبي لها تجهيز سريع و بفكر في العودة ومدارس عشان كذا قررت تكون العطلة الكبيرة بعد نهاية السنة الدراسية افضل وراحة بال ما افكر في شي ينتطرك بعد العودة رغم تكلفة التذاكر عالية
ميزانيتي خلينا نقول 12 الف طبعا من السعودية
خطة الرحلة وممكن قابلة للتغير اذا تشوف ان خطتي مو جيدة لكن سؤالي كذلك كيف ارتب مسارها عشان اوفر الوقت وما يضيع علي بسبب الزحمة
السفر بياخذ ( يوم )
جاكرتا ( يوم )
بالي ( يومين )
باندونج ( يومين )
بونشاك ( 5 )
ثم العودة للديار عن طريق جاكرتا
هل المبلغ كافي لرحلة متوسطة الترفية
( المدام مو متطلبة في المشتريات يعني ما تشتري الحاجات الغالية )
اهم شي عند المدام في نوع عود يمدحونه دايم اللي يسافر للبلد يجيبب منهم نوع رخيص ويتاجرون فيه
كيف اتعامل مع الصرف يقولون لازم تاخذ معك قبل توصل مبلغ يمشيك يومين بالدولار اظن ؟
وكيف طريقة التعامل مع البطاقة البنكية ؟ بصراحة ف البلد ما اتعامل ابدا بالفيزا لكن الحين بما اني مسافر اعتقد احتاجها ؟
اعذرني بتعبك معي بالاسئلة لانها والله مرة اسافر بعيد ويمكن في اسئلة عندي تجي بالطريق
انا مطلع يوتيوب واجمع بصراحة معلومات الاماكن و المطاعم والترفيه وكذا
موضوع الطقس متردد فيه ناس تقول ف الموسم الرطب لكن خايف يكون دايم امطار ويخرب علينا طلعاتنا وناس تقول ف الجاف وانا ما احب الحرارة كثير ويقولون استوائية طول الموسم يعني ما فيها اجواء برودة الا في بونشاك لانه جبلية
كلامي الكثير يدل اني مجمع كثير من المعلومات لكني ابحث الافضل كترتيب للرحلة عشان تكون مميزة وتنبسط العايلة
وعشان كذا ما ودي اخذ بكج عشان ما اتقيد بالناس واخذ حريتي مع العايلة
السواق هل اخذ باليوم كامل ولا جراب ؟
السكن في المدن هل احجزها كلها قبل السفر لان يقول خويي ريح نفسك خليها كذا احسن عشان ما تخرب وناستك بالحجوزات قد انك حاجز كل شي ومخلص
موضوع الشنط كم كيلو لكل شخص ؟
كذلك وش اجراءات السفر
هل يقيدونك بالكمامات ولا لا؟
بارك الله فيك وانتظر ردك واعذرني الاطالة وممكن في اسئلة قادمة معليش تحملني شكرا لك

.

اقترح عليك الذهاب فقط جاكرتا وبالي ويكون الجدول كالتالي
يوم جاكرتا وبعدها 5 أيام بالي والعودة الى جاكرتا

او جدول افضل وما اقترحه عليك ولا تحتاج ميزانيه كبيرة
يوم جاكرتا و بعدها الذهاب الى بالي 5 أيام و بعدها الى كوالالمبور ماليزيا
مع العلم ان الشقق في ماليزيا افضل والاسعار تقريبا نفس جاكرتا وافضل من جاكرتا من ناحية جودة الاكل و الأماكن السياحية افضل بس مطلوب منك تحجز تذكرة من بلدك الى جاكرتا والعودة من كوالالمبور الى بلدك

اقتراحي لك : لا تنتظر للصيف ، والاجازة حسب ظروفك تحتاج تغيير سريع وخفيف

عندك اجازة جايه الشهر الجاي واللي بعدها في يناير او مارس ما اتذكر ، الثانية افضل خد قبلها يومين للبنت وتوكل ع الله

وخلي رحلتك مباشرة ....سواء ماليزيا او اندونيسيا يصير عندك 11 يوم تقريبا ممتازة

اذا ماليزيا اقترح عليك كوالالمبور ثلاث ايام منها يوم لجنتغ والباقي فيها وتسكن في سلانجور

5 أيام جزيرة بيينع تروح لها بالباص من كوالا 4 ساعات

3 ايام في كوالا تسوق وتسكن في شارع العرب .


اذا اندونيسيا

جاكرتا والى الجبل مباشرة 3 ليالي

بالي 6 ليالي

جاكرتا يوم للتسوق وسفر مباشرة



بالتوفيق يارب ورحلة سعيدة

كل من تفاعل معي بالرد اشكركم من القلب وفقكم الله لكل خير