صباحكم ورد
عام 2023 شهر اغسطس للاسف
طبعا للاسف لان شهر اغسطس شهر حرررر
المهم
كانت رحلة ل 3 اشخاص شباب من مطار جدة الى مطار باتومي او باطومي اللي هي اصلا تشبه جدة مدينة ساحلية على البحر ونفس جو جدة
كانت الرحلة ذهاب واياب تقريبا 1600 ريال للشخص الواحد
طبعا مارحنا للعاصمة تبليسي لان عندنا معلومات انه لايوجد بها شاطئ وحرارتها مرتفعة ومناسبة للعوائل اكثر
المهم اقامتنا كانت لمدة اسبوع لانني ذهبت مع متزوجين وهذي من ضمن الغلطات رجعونا عشان يسجلون عيالهم في المدارس ووو
المهم بما ان الرحلة لمدة اسبوع ماكانت كافية اننا ندور في جورجيا لكن بعطيكم المفيد
بالنسبة للكلاب اعزكم الله في كل الشوارع وحتى في السوبر ماركت تخطيته برجلي اعزكم الله
وبالنسبة للأكل ياربي لك الحمد مافي اكل مناسب لنا نهائي
حتى الشارع العربي اللي رحناه اللحم مشكوك في امره ويقولون حلال ووو
بس مشكوك فيه مارتحنا له
اخلاقهم وتعاملهم جاف جدا واحيانا كثيرة يهاوشك عادي من دون سبب
دخلت اسأل عجوز في بقالة عن صامولي هاوشتني وطردتني
طبعا لغتهم من ضمن العوائق لأن لغتهم جورجية خاصة فيهم حتى الانقلش مايفهمونه الا قلة قليلة
هذي باختصار بعض العيوب اللي واجهتنا في السفر
للحديث بقية في الحلقة الجاية