السلام عليكم


موعدنا كان في مركز التأشيرات في جدة يوم الاربعاء 29 مايو الساعة 10 صباحاً
طلبوا منا حجز الطيران والفنادق والسيارة

والتأمين كان من الدرع العربي وسألت الموظفة تقبلون تأمين الفيزا قالت لا
شافت كشف الحساب قالت لازم يكون الرصيد والاقفال نفس الشي او الفرق مايكون اكثر من الف

وقالت روحوا اعملوا كشف حساب جديد
معاكم الى الساعه وحده
وايضاً الصور شافوها وخلونا نغيرها قالوا مانقبلها مدري ايش السبب كل مره بعذر مره الزوووم ومره الاضاءه واضطرينا نتصور عندهم
كمان حجوزات الفنادق احنا حاجزين مع الاطفال ومكتوب بالحجز شخصين بالغين وطفلين
لكن قالت لازم تراسلون الفنادق عشان يعطونكم سعر الاطفال
جلسنا اربع ساعات عندهم كل شوي يطلعون لنا بشيء

وبعدين قالت خلاص نقبل اوراقكم وعلى مسرؤليتكم
و ممكن السفاره ترسل لكم ايميل تطلبكم كشف حساب جديد
وتسألكم عن الفنادق


والله يسهلها

لا تلومين المركز.. المشكلة في السفارة طلباتها غريبة.. ويتتبعون وراك تخييلي يدخلون حسابك في Booking ويتاكدون من ارقام الحجوزات.. اكيد بحجز حجوزات مؤقته وغير مدفوعة لاني مو ضامن الفيزا..

ويرفضون بعض انواع التامين رغم انه نفس التغطية واحسن بعد.. بس لانهم مو فاهمينه.. محد مفهمهم ان كل شركات التامين عندنا موثوقة وملزمة وتتابعها مجلس الضمان الصحي..

سفارة معقدة جدا.. نصيحة لاي واحد يبي يقدم على الشنغن حتى لو بيروح للنمسا . لاتقدم عليهم . شف لك اي دولة في اوربا بس النمسا هجج

كنت حاجز فيزا بالنمسا والحمدلله ألغيتها بعد كذا شخص قالي أنهم معقدين أكثر حتى من ألمانيا، الدولة جدًا معقدة بإجراءات الفيزا.

اليوم رحت موعدي في التشيك واللي كان جنبي بالنمسا، جا شخص قبلي وطول بالتشيك وجيت انا وخلصت وما زال الشخص اللي بالنمسا موجود.

روح أي سفارة باستثناء النمسا..

حتى فلوسي راسلهم أكثر من 3 اسابيع أطلبهم يرجعون قيمة الموعد وللان ما زالوا يقولون نحولها للقسم المختص.

احنا كنا ناوين التشيك بس مالقينا مواعيد
اضطرينا على النمسا💔💔

شكل التعقيد بس بجدة!!

ليتني قريت تعليقاتكم قبل اتوهق وانشب معهم واعاني نفس معاناتكم.. الان تذاكري بتروح علي بسببهم وطلباتهم المعقدة والغير منطقية