السلام عليكم ورحمة الله وبركاته.
كل عام وأنتم بخير والله يعيده علينا وعليكم بالصحة والعافية




- حجز الطيران جبت حجز مؤكد ومدفوع لأني كنت ضامن ان شاء الله بتطلع الفيز، وفي حال ما طلع بدفع 600 ريال للالغاء على الخطوط القطرية.
* حاول تطلع الفيزا بدري قبل شهر أقل شيء من موعد سفرك وسو حجوزات مؤكدة أفضل، أنا بالنسبة لي أحس انها اهم شيء من المتطلبات لإثبات جدية السفر والعودة.

- حجز فندق لكامل فترة الإقامة.

- تأمين سفر: عن طريق أي شركة، بالرغم ان عندي بطاقات فيزا فيها تأمين، ولكن ما خاطرت بالسفرة على تأمين قيمته 96 ريال، التأمين يشمل كورونا طبعا.

- كشف حساب: تأكد أن اسمك بالحساب مطابق لاسمك بالجواز، كان اسمي مختلف واضطريت اراجع البنك يغيرون اسمي، طبعا قبل اسلم السفارة أوراقي ولكن ما حبيت يكون فيه أي سبب للرفض. طبعا لازم حسابك يكون فيه فوق 15 الف ريال، صديقي حطها قبل كم يوم من يسوي كشف الحساب ومشت أموره.

- نموذج تقديم الطلب: تحصلونه بهالرابط. بنفس الرابط فيه نسخة عربي وإنجليزي، جدا بسيط وتخيل المكتب ياخذ منك فوق 300 ريال تقريبا عشان يترجملك ورقتين ويعبي هالخطاب

- صورة بزوم 80: أي مكتب تصوير قله شنغن وبيصورك، لازم يكون الشعر واضح. وفيه شخص قالي ترا التشيك ما يقبلون الا زوم 90 وعقدني، وصورت زوم 90 وفي وقت الموعد اللي استقبلني قال ما يفرق اهم شيء صورة لوجهك التشيك ما يركزون. واخذ ال80 لأنها توضح ملامحي بشكل أفضل.

- ترجمة الهوية: ترجمتها عن طريق مكتب واخذ 30 ريال، الصراحة ما كنت بتعامل معه لأن المعلومات المطلوب ترجمتها بالهوية جدا واضحة وبسيطة، بس المكتب اللي حجزت الطيران من عنده قالي ترا فيه ستاندرد معين يطلبونه السفارات، واللي مع احترامي للشخص ارى ان لهم علاقة بمكتب الترجمة، معلومات الهوية واضحة جدا أتصور أي شخص عنده لغة جيدة يقدر يترجمها بنفسه.

- نسخ من الجواز والهوية.

- صديقي يملك مؤسسة وزودهم بالسجل التجاري عن طريق وزارة التجارة إصدار إلكتروني.

تقريبا هذا كل شيء تحتاجه، وتقدر تطبع هالورقة (تشيك ليست) وتحط صح عند كل شيء خلصت منه عشان ما تنسى شيء


موعدي: 5 يونيو | تاريخ استلام الفيزا: 17 يونيو وصديقي موعده كان قبلي بيوم واستلمت جوازه اليوم بعد


في حال كان عندكم أي سؤال بحول الله وقت ما دخلت المنتدى بجاوب، والإخوة والأخوات هنا ما راح يقصرون بعد.

سفرة موفقة وإجازة سعيدة،
أخوكم عبدالعزيز

تسلم عبدالعزيز
نقاط مهمة ذكرتها راح يستفيد منها كثير
نشكرك على حرصك وحبك لمساعدة الآخرين

رحلة سعيدة

اخي الفاضل اتمنى تتواصل معي عالرقم 0541000521

تسلم على المعلومات الجميلة و المفيدة من خلال تجربتك