مرحبا

يعطيكم العافيه رحلتي من 1 الى 14 سبتمبر
وحابة اول الرحلة ازور الشمال التركي (اوزنغول 3 ايام)

الشركة اللي بحجز معاها السكن يقولوا نصيحة لا تحجزين اوزنغول هذا الشهر لان المكان بيكون خالي على عروشه! ومافي ناس ابدا وبيكون مخيف خصوصا بالليل وقت المبيت مافيه احد والمطاعم والمحلات اغلبها مسكر وماراح يكون فيه طبيعه خضراء زي الان.

احتاج نصيحتكم بخصوص هالموضوع لان بخاااطري بالحيل اروح اوزنغول
وابي عيالي يلعبون بالملاهي حقهم

ومره انقهرت لما قال لي صاحب الشركة هذا الكلام
والصراحه الرحلة بتكلفني مبلغ وقدره خصوصا معاي اطفال،
ف ما اعتقد اني ممكن بسافر مره ثانيه بالمستقبل القريب عشان اعوض واشوف اوزنغول

سفرتي الوحيده من غير شر ..

اهلا بك

مضمون كلام الشركة صحيح
ولكن الموضوع ليس بهذا السوء

صحيح الطبيعة أقل خضار من الآن
ولكن بيكون فيه طبيعة واللون الأخضر ما زال

صحيح ما فيه زحمة وحركة ناس
بس ما يصل إن المطاعم تكون مغلقة

صحيح هي قرية هادية بالليل
بس ما يصل الأمر موحشة وتخوف

رحلتك بهذا التوقيت أشوفه ميزة
تكون بدأت المدارس وانخفضت الأسعار
وما فيه زحمة تعيق دخولكم وحركتكم باوزنجول
ولو تبغي الزحمة خلي توقيت زيارتكم بنهاية أسبوع

الأفضل عدم حجز ثلاث أيام مبكراً
احجزوا ليلة وإذا ناسبكم الوضع مددوا ليالي

عموماً شوفي الفيديو لزيارتي لاوزنجول
كانت الزيارة في يوم 26 سبتمبر 2023
يعني تقريباً بعد أو حول توقيت سفركم لهناك
فتقدري تسترشدي بوضع الطبيعة وأوضاع الزحمة

اوزنجول تبدأ من الدقيقة 6.18 تقريباً

https://youtu.be/Ly-Aj2Q7jew?si=eRBGJ3Qr0fCzcy0B


أرجع وأقول توقيت سفركم مناسب جداً
انخفاض الأسعار ..والطبيعة لا زالت متماسكة
خصوصاً للي يحب الهدوء والبعد عن الصخب والاستغلال
أما موضوع الألعاب تراها العاب عادية مو ذاك التميز


بالتوفيق

الوفت جدا ممتاز

ورحلتي القادمه باذن الله نفس الوقت

وصحيح لا تحجزون الا اول ليله

لك ان تتخيل ان الحجز المباشر ارخص من المواقع كلها