السلام عليكم ورحمة الله وبركاته

حابه استفسر عن شغلات وان شاء الله اهل الخبره يفيدوني

_ ايش الاماكن للي بالشمال التركي تستحق الزياره

يعني ايدر شنو فيها مميز لو بروح لها

انا راح اسكن بطرابزون وتنقل بين الاماكن وبعدين ارجع لسكن

_ ابي شركه كويسه تاجير سياره يعني سمعنا عن شركات تنصب نبي مكتب تاجير مضمون ويكون سعره معقول يعني كم تقريبا يكلف لخمس اشخاص وهل تفرق بسعر كثير لو سياره مع سواق

_ على اي خطوط احجز من طرابزون الى اسطنبول

_ ابي اماكن تسوق تكون في الشمال او اسطنبول صناعه تركيه ورخيص مو ماركات عالميه

يعني ايش اقرب شارع في اسطنبول يعني احجز فيه الفندق وروح اتسوق مشي يعني ماحتاج لمواصلات

_ المبالغ الماليه اخذها كاش من السعوديه دولار او ليره بحدود كم اخذ كاش وهل يوجد بوه صرفات عندهم يعني اسحب دايركت ليره او ياخذون نسبه صرافه كبيره لان من هالنقطه مو فاهمين كل يقول راي وهل بطاقة سفر بلس حلوه تنفع بسفر او صرافه العاديه تودي الغرض

_ وش افضل تنقل باسطنبول يعني السفينه وقطار والمترو من وين اجيب خريطه مفصله بالعربي لوسائل التنقل والاماكن وهل باسطنبول عادي كل شي بجنب بعض بس تمشي ؟

هذي اول مره صراحه نسافر لتركيا ومختبصين ودنا حنا نضبط جدولنا على كيفنا ماودنا صراحه بشركات سياحه لان ياخذون مبالغ عاليه واكون شاكره لكم لو تردون على استفساراتي

الله يسعدك بن قوت مشكور على ردك الطيب

الاخت ام صبا


اخونا بن قوت ما قصر بالرد جزاه الله كل خير


بالنسبة للاسواق -

في الشمال التركي :

عندك مول جواهر طرابزون و مول فورم طرابزون و عندك اسواق في وسط ميدان طرابزون

في اسطنبول :

الاسواق في اماكن مختلفة يعني عندك السوق المغطي و يسمي الجراند بازار في محطة بيازيت و تحديدا في شارع محمود باشا

و عندك مولات فيها محلات مميزة مثل مول فورم اسطنبولforum istanbul بمنطقة بيرم باشا و مول الجواهر بمنطقة شيشلي و مول استينيا بارك

يوجد اسواق في منطقة عثمان بك osmanbey شارع روميلي Rumeli Caddesi

الافضل التنقل بالمترو لان المدينة مزدحمة بالسيارات و عندك تطبيق للتاكسي انصح به تطبيق Bitaksi

شكرا لكم الله يسعدكم

فيه سؤال مهم سألته الاخت وما افدتوها والفائده للجميع
السكن طوال الاجازه في طرابزون ومنها تنطلق يومياً للاماكن السياحيه هل هو امر جيد ام لا تنصحون فيه

سؤال اخر
استخدام البطاقه البنكيه مدى هل فيه مشكله ؟