السلام عليكم

وصلنا زيورخ 12 جولاي
رحنا نستلم السياره ، ماكان فيه موظف بالمكتب بس سوينا تشيك ان برابط حاطينه ، وحاطين رابط لذهاب لمواقف السياره ، ونزلنا بالمواقف واعطانا الموظف المفتاح

الفندق ( نوفوتيل زيورخ ستي وست )
الموقع بعيد عن السنتر + اللوبي كان جميل + الغرفه عاديه

كان يبعد عن المطار 10 دقايق ، وومطر الجو واستمتعنا بسبب الجو وتغدينا بمطعم هندي جنب الفندق لذذذيذذ

اليوم الثاني توجهنا لانترلاكن
الفندق jungfrau hotel للامانه مررت بتجربه سيئه معه
لا انصح بالسكن فيه ابد ابد
تم تغريمي 352 فرنك لان طلبت تنظيف الحمام ( طفلي استفرغ ع ارضيه الحمام وحاولت اغسله وناديتهم للمساعده لتنظيفه ) وقالوا سويت ضرر ع ارضيه الحمام 😂ورفضت ادفع وقالوا تطلعين ، ورفضت
وقت الخروج قالوا اما تدفعين غرامه او نطلب الشرطه واضطريت ادفعها



بعدها توجهنا لفندق روعه اسمه ( دورنت بيتنبرغ ) جميل جداً جداً بس طريقه متعب

وفي الاخير توجهنا لفندقنا بزيورخ موفنبيك المطار
واجهننا مشاكل معهم اخرونا ل 3 ساعات سلمونا الغرفه الساعه 6 مسا + اصر اني مادفعت وبيكنسل الحجز لو ماادفع مره ثانيه رغم اني دافعه واثبت ذلك بس رفض الا بعد ماصارخنا وعصبنا اقتنع ( وطلبت اسمه عشان اشتكيه ) وقال انتي مانتي بالسعوديه عشان تعاملينا كذا !!

الان بعد هالرحله عندي تساولات
كيف يحميني بوكينج من تلاعب الفندق رغم ان اتصل ولا فيه اي تجاوب الى الان!
اذا فرضاً طلعت بدون تشيك اوت وش المخالفات ؟
اذا رفضت ادفع الغرامه وجت الشرطه وش ممكن يصير ؟
هددني الفندق ان يكنسل الحجز ، وانا حااجزه ودافع من بوكينج كيف له الاحقيه ؟

و عليكم السلام و رحمة الله و بركاته


الاخت الكريمة Sunset


الحمد لله على سلامتك و سلامة العودة

بعض الفنادق تعاملها مع السائح سيء نتيجة عدم معرفة المسافر بحقوقه في هذه الدولة و قد يحدث بعض التحايل من جهة الفندق مثل موضوع الغرامة اللي طلبت منكم .

قد يكون هناك رسوم تنظيف اضافية في حالة اتلاف نظافة الحمام برايي كنتي طلبت التحدث مع المدير المسؤل بالفندق بخصوص المبلغ اللي طلبوه منكم لان مبلغ الغرامة مبالغ فيه و شرحتي له وضع الصغير فهذا امر غير مقصود ووارد الحدوث مع اي عائلة معها اطفال . كما لابد تطلبين فاتورة بمبلغ الغرامة حتي تكون مرجع معكم إذا قررتم تقديم شكوي لان من حقك طلب فاتورة عن اي مبلغ تدفعيه هناك

يفضل انك لا تدفعين الفندق مسبقا و تنتظرين حتي وصولك و تدفعيه عند استلام الغرفة حتي ما ينكرون انه ما تم الدفع . و في حالة الدفع المسبق يصلك رسالة من البنك انه تم خصم المبلغ احيانا لا يكون المبلغ قد خصم من الحساب و لكن يكون قد تم تجميده من البطاقة بدون سحبه
8
لذا انصحك ترجعين بالاول على البنك و تراجعين المبالغ اللي خصمت منكم لابد من الحصول على صورة من الخصومات تبع البنك ترسليها إلى البوكنيج و صورة ايصال الدفع للمرة الثانية و تطالبين برد المبلغ مرة اخري لكم على البطاقة و إذا ما رد عليكم ترسلين ايميل اخر او تتصلين بهم مرة اخري .

عند سكنك بأي فندق و حدثت معكم اي مشكلة حاولي التواصل مع رقم البوكينج إذا لم يجيب ارسلي لهم ايميل تشرحين المشكلة و اسم الفندق و رقم الحجز تبعك و اطلبي رد سريع و إذا ما ردوا ترسلين ايميل ثاني باليوم التالي حتي يردوا عليكي و يحلون المشكلة .

بالنسبة للاستعانة بالشرطة لا انصحك بهذا إلا في حالة السرقة لا قدر الله لانهم قد لا يتعاونون مع السائح و ياخذون جانب الفندق .

بالنهاية ادخلي على موقع البوكنيج و سوي تقييم لكل فندق و الفندق اللي حدثت لكم مشكلة فيه اكتبيها حتي يكون تقييمه سيء .

تحياتى

عند صوره للفاتوره وعندي صوره لوضع الشقه الي حجزتها بعد ماطلعت منها ( ولا ضرر ))

بس هم من أرادوا طلب الشرطه وتهديدي بها ، كانوا معي اطفالي وخفت عليهم ، ودفعت مجبره ..
مابغي الفلوس ترجع بس ابي ياثر عليهم كيف ؟

وامم لو طلعت بدون ماادفع وش ممكن يصير ؟
لو رحت بدون تشيك اوت ؟

الله يسعدك اختي ماقصرتي

والله كان خدمة التنظيف من ضمن الحجز
بس الحمدلله علئ كل حال