السلام عليكم ورحمة الله حبيت اشارك تجربتي لعل وعسى تنفع احدكم . انا مقيم من الجنسيه المصريه عمري ١٧ سنه . اول مره قدمت قدمت اليونان في ٢٠٢٣ بدون مكتب وبدون خبره في حجوزات الفنادق والتاشيره وللأسف اخذت رفض . قدمت بعدها بثلاث شهور مالطا هذي المره ما انرفضت ولا انقبلت صار معي موقف غريب . رجعو الورق كامل ل vfs وكلمتهم عشان افهم ليش قالولي اقامتك فيها اقل من ثلاث شهور في تاشيره الخروج والعودة ف عشان كذا رفضتك انا كان اقامتي فيها ٥ شهور بس للاسف سويت تاشيره خروج وعوده قبل ما اجدد الاقامه وللاسف صار كذا ( غالبا الموظف انتبه للموضوع بعد ما اخذ قرار قبول التاشيره لانو في الابليكشين كان حاط عدد الايام الي بيعطيني اياها والتاريخ وعدد مرات الدخول وفي ورقه الخروج والعودة مأشر على تاريخ الاقامه ) فانتبهو من سالفه صلاحيه الاقامه . المهم نخلينا في المره هذي .

المره هذي قدمت مع الوالد وكان موعدنا بتاريخ ٦ مارس ٢٠٢٥ في الدمام

جهزنا الاوراق التاليه بالنسبه لملف الوالد

١ كشف حساب ٦ اشهر باللغه الانجليزيه طالع من البنك ومختوم اول واخر ورقه
٢ شهاده تعريف من شغل الوالد موضح فيه المسمى الوضيفي والراتب ومتى اشتغل معهم وأنه على رأس العمل وعقده يجدد تلقائيًا واطبعو ملون ويكون على ورقه الشركه وموثق غرفه تجاريه ( للقطاع الخاص )
٣ حجز فندق في باريس ٨ ايام ( مهم جدا يكون مؤكد وما ينلغي الا بعد ما تاخذ الفيزا ويكون في باريس )
٤ حجز طيران مؤقت ٦ ساعات من طيران الامراتيه مجاني
٥ صوره الاقامه من ابشر وصوره من الترجمه
٦ تامين السفر من تكافل الراجحي ب ٥٠ ريال للفردين خذو اقل باقه الي هي الشنجن ما تفرق
٧ صوره من الجواز وصوره من صفحه التوقيع
٨ الابليكشين حق فرنسا معبي وموقع مع ال receipt الي يجي مع الابليكشين
٩ cover letter باختصار يقول انا مسافر انا وولدي عشان نقضي وقت سوا واهديه هذي السفره عشان انو بيتخرج
** ماقدمنا تاشيره خروج وعوده ولا طلبوها ** هذا بالنسبه لفرنسا فقط اغلب الدول الاوربيه تطلبها

بالنسبه ل ملفي

١ الابليكشين
٢ صوره الاقامه من ابشر ونسخه من الترجمه
٣ خطاب تعريف طالب من نظام نور مختوم ونسخه من الترجمه
٤ صوره شهاده الميلاد ونسخه من الترجمه
٥ صوره من جواز الام وصفحه التوقيع
٦ اقرار كفاله ماليه من الوالد
٧ خطاب عدم ممانعه السفر يوضح فيه بياناتي واسم الوالد والوالده وان الوالد هو المرافق لي موقع من الوالدين
٨ صوره من اقامه الام غير مترجمه (يمكن ما ياخذها منك ما منها فايده مره )
٩ صوره من جوازي وصفحه التوقيع
وصلنا قبل الموعد بربع ساعه ( اذا تاخرت عن موعدك ربع ساعه يتكنسل وما يدخلك ) المهم دخلنا فرع الدمام في مول لولو البوابه ٣ الدور الأول مش الارضي اول سلم كهربائي تشوفو
وصلنا الساعه ١١:٣٠ المركز ماكان زحمه بس كانو بطيئين جدا قعدنا اربع ساعات لين جا دورنا وسلمنا الورق بصمنا وصورنا ومشينا بعد ربع ساعه اتصلو علينا قالو ارجعو في مشكله في بصمه الوالد نحتاج اعاده بصمه 😒 المهم كنا قريبين فرجعنا وبصم ثاني ومشينا ( المصاريف كانت ٥٠٠ للفرد زائد ١٣٠ موعد شامل رسوم توصيل الجواز للبيت ) جتني رساله ان الجواز بينرسل للسفاره في نفس اليوم وما جاني اي ابديت الا يوم ما قال ان جوازك طلع من السفاره في يوم ١٨ مارس يعني بعد ١٢ يوم . يوم ١٩ مارس وصل الجواز الدمام وقال جاهز للاستلام . بعديها بكم دقيقه قال الجواز انرسل لارامكس . يوم ٢٠ استلمت جوازي من ارامكس وعليه التاشيره مدتها ٤٥ يوم دخول متعدد الحمدلله ( جواز والدي بيجي بكرا بحكم انو طلع بعدي بيوم بسبب موضوع البصمه اتوقع ) . نقطه حاب انوه عليها . سوو الورق بنفسكو احسن انا ندمت اني اتعاملت مع مكتب ب ٢٥٠ للفرد شامل رسوم الموعد لانو عبالي الابليكشين غلط وكان لازم اخليه يعدلو وطبعتو هناك مره ثانيه الطباعه جدا غاليه كلفني ١٠٠ ريال . زائد انو سويت التامين بنفسي لانو قال التامين حقنا ٧ ايام بس لكن مده رحلتي ٨ ايام . حجز الطيران كان من جده و ب ٧٠٠٠ الاف للفرد ورسله لي بعد الموعد ( وهمي اكيد ) فكان غير منطقي اساسا فسويته بنفسي . نفس الشي مع الفندق لانهم يحجزون وهمي والفندق لازم مؤكد . وشغل عشوائي غير مفيد . اسف على الاطاله اتمنى انكم تستفيدون تعديل : نسيت اذكر ان لازم الوالد والوالده يكونو معك بالموعد لو سنك تحت ال ١٨ لو انت مسافر لحالك او مع احد الوالدين

تجربة رائعة ومفيدة جدًا، وأسلوبك في سرد التفاصيل كان واضح وسلس، ما شاء الله عليك! 👏👏 أكيد كثير ناس راح يستفيدون من نصائحك، خاصة بخصوص صلاحية الإقامة وتجهيز الأوراق بالشكل الصحيح. عجبني أنك شاركت حتى الأخطاء اللي وقعت فيها، وهذا راح يساعد غيرك يتجنبها.

تجارب المقيمين قليلة من يشاركها بالتفصيل، فطرحك أكيد بيفيد الكثير، خصوصًا مع قرب موسم السفر. عندي سؤال، هل صلاحية إقامتك بعد العودة كانت فيها أكثر من 3 شهور؟ بما انك ماارفقت خروج وعودة لان تاريخ الانتهاء يكون مكتوب فيها لأني لاحظت أن هذا الموضوع يأثر على القبول أحيانًا.

جميل جدًا أنك ما أرفقت تأشيرة خروج وعودة، والتزمت بنفس المتطلبات التي تطلبها السفارة، وهذا يظهر دقتك واهتمامك بكل التفاصيل. أكيد المنتدى كان مفيد لك وساعدك في الاستغناء عن التعامل مع المكاتب، وهذا شيء يحسب لك، لأنك وفرت على نفسك مبالغ كبيرة وسويت كل شيء بنفسك. مغامرتك مع حجز الطيران الوهمي كانت مخاطرة كبيرة، لكن الحمدلله عدت على خير وما أثرت على طلبك.

تجربتك أثبتت أن الشخص يقدر يسوي كل شيء بنفسه إذا بحث وقرأ تجارب الأعضاء في المنتدى. الله يوفقك في رحلتك، وتنبسط فيها مع الوالد، وتكون بداية لسفرات أكثر بإذن الله! 👏🚀

وعليكم السلام
أهلاً وسهلاً فيك بيننا

تجربة جميلة راح يستفيد منها كثير
نشكرك على طرحها للفائدة

فيها الكثير من النقاط اللي لابد ينتبه لها المقيم
أثناء التقديم خاصة لمن هو تحت سن 18

تم التثبيت بالمواضيع المميزة فوق

ايوا كان فيها بالظبط ١١٣ يوم من تاريخ العوده . اي نعم المنتدى اكثر من كافي لكل المعلومات الي تحتاجها