السلام عليكم ورحمة الله
الله يسعدكم، ان شاء الله ناوين على طرابزون واللي حوله في عطلة ذي الحجة، هل ارخص احجز كل شي بنفسي من سكن وسيارة (زوجي اللي بيسوق) او اشوف مكتب، (عادة انا احجز كل شي اذا رحنا اوروبا) لكن تركيا اول مره اروح له واشوف اغلب اللي حولي يحجزون عن طريق مكاتب، واذا امكن وين افضل الاماكن للسكن، ووين افضل الاماكن اللي اروح له، بنجلس ان شاء الله 12 يوم او اقل، اردو هل تستاهل السكن، او بس اطلع لها من طرابزون، فكرة السفرة لها جت فجأة (محتااااجة بقوة اغير جو، عقب ظروف شغل دمرتني)، ودي اخلص كل شي اليومين، قبل ترتفع اسعار تذاكر الطيران

اهلا بك

إذا رحلتكم بإجازة الحج
بيكون لسه ما بدأ الموسم والذروة
العام الدراسي بالسعودية ينتهي مطلع محرم
بل الاسبوعين بعد إجازة الحج بتكون اختبارت نهائية

توقيت زيارتكم بيكون في الربيع
توقيت رائع .. طبيعة وجو وتدفق شلالات

اوردو تصلح لو رحلتكم أكثر من 10 أيام
أما لو أيامكم في الشمال أقل .. فبلاش منها

يمكن النزول في مطار اوردو
والختام وتسليم السيارة في طرابزون
أو العكس حسب ما ترونه مناسباً لكم

لا أميل للذهاب والعودة بنفس اليوم
الاتجاه الواحد يستغرق ساعتين ونصف

لي عدة تجارب في اوردو وما حولها
يمكن الاطلاع عليها من خلال الرابطين

الرابط الأول

https://www.arabtrvl.com/vb/t51633.html


الرابط الثاني

https://www.arabtrvl.com/vb/t54065.html


وإذا يهمك تصوير الفيديو والتفاصيل
يمكن مشاهدة التوثيق في قناتي باليوتيوب

https://www.youtube.com/@turkyomari6073


بالتوفيق